រតនគិរី / កូនត្រីចម្រុះត្រូវបានខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តរតនគិរី ប្រារព្ធធ្ធើឡើងដើម្បីអបអរសាទរទិវាមច្ឆាជាតិ ១កក្កដា ព្រឹកថ្ងៃទី១០ ខែកក្កដា ឆ្នាំ២០២៤ នៅបឹងទំនប់អាងទឹកវារីអគ្គិសនីអូរជុំទី១ ស្ថិតក្នុងភូមិថារ៉ងជងឃុំអូរជុំ ស្រុកអូរជុំ ខេត្តរតនគិរី ក្រោមអធិបតីភាពលោក ជា ថាវរិទ្ធសមាជិកក្រុមប្រឹក្សាខេត្ត តំណាងលោក ណាប់ ប៊ុនហេង ប្រធានក្រុមប្រឹក្សាខេត្តរតនគិរី និងលោក ញ៉ែម សំអឿន អភិបាលខេត្តរតនគិរី និងរួមនិងមន្ត្រីរាជការសិស្សានុសិស្សយ៉ាងច្រើនកុះករ។ នៅក្នុងពិធីលែងកូនត្រីចម្រុះប្រមាណ ៣០.០០០ ក្បាលចូលក្នុងបឹងទំនប់អាងទឹកវារីអគ្គិសនីអូរជុំទី១ រួមមេនិងមេត្រីពូជមួយដូចជា ត្រីរ៉ស់ ត្រីក្រាញ់ ត្រីកន្ធរ ត្រីអណ្តែង ចូលទៅក្នុងបឹងអាងទឹកដែលជាតំបន់ទេសចរណ៍នេះ គឺជាការទាក់ទាញសម្រាប់ការនេសាទត្រីកំសាន្តផង និងដើម្បីបម្រើសេចក្តីត្រូវការហូបចុក របស់ពលរដ្ឋក្នុងតំបន់នេះ ផងដែរ។ នៅក្នុងពិធីប្រលែងត្រីនោះលោក ញ៉ែម សំអឿន អភិបាលនៃគណៈអភិបាលខេត្តរតនគិរីបានលើកឡើងថា ការប្រារពពិធីទិវាមច្ឆារជាតិនាថ្ងៃនេះ គឺក្នុងគោលបំណងបំផុសប្រជាពលរដ្ឋ អោយចូលរួមចំណែកបន្ថែមទៀតរាល់ការចេះការពារ អភិរក្ស និងអភិវឌ្ឍន៍វិស័យជលផល ដើម្បីធានាសន្តិសុខស្បៀង និងនិរន្តរភាព ធនធានជលផល ដែលជាផលប្រយោជន៍សេដ្ឋកិច្ច សង្គម និងបរិស្ថានមួយយ៉ាងសំខាន់។ […]
