ព័ត៌មានជាតិ

ភ្នំពេញ÷ សម្តេច​ អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា​ នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអញ្ជើញចូលរួមពិធីរំលឹកខួបអនុស្សាវរីយ៍លើកទី៨០ នៃបដិវត្តខែសីហា និងទិវាបុណ្យឯករាជ្យជាតិវៀតណាម “២ កញ្ញា ១៩៤៥~២ កញ្ញា ២០២៥”​ នៅទីលានបាឌិញក្នុងរដ្ឋធានីហាណូយ នៃសាធារណរដ្ឋសង្គមនិយមវៀតណាម។    ពិធីនេះបានប្រារព្ធឡើងនៅព្រឹក ថ្ងៃអង្គារ ១០កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២ ខែកញ្ញា ឆ្នាំ២០២៥។ នៅក្នុងពិធីប្រកបដោយផ្លែផ្កា នៃការអញ្ជើញចូលរួមពិធីបុណ្យឯករាជ្យជាតិ នៃសាធារណរដ្ឋសង្គមនិយមវៀតណាមដែលបានប្រព្រឹត្តទៅនៅថ្ងៃទី០១ ដល់ថ្ងៃទី០២ ខែកញ្ញាឆ្នាំ២០២៥។ នៅក្នុងឱកាសទស្សនៈកិច្ចនេះ សម្ដេចតេជោប្រធានព្រឹទ្ធសភា ក៏បានជួបពិភាក្សាការងារជាទ្វេភាគីជាមួយថ្នាក់ដឹកនាំវៀតណាម មួយចំនួនរួមមាន ឯកឧត្តមទូ ឡឹម អគ្គលេខាធិការបក្សកុម្មុយនីស្តវៀតណាម ឯកឧត្តមជិន ថាញ់មិន ប្រធានរដ្ឋសភា និងឯកឧត្តម ផាម មិញជិញ នាយយករដ្ឋមន្ត្រី នៃសាធារណរដ្ឋសង្គមនិយមវៀតណាមនោះផងដែរ។ ជំនួបខាងលើនោះថ្នាក់ដឹកនាំ នៃប្រទេសវៀតណាម បានសំដែងនូវការពេញចិត្តនិងស្វាគមន៍យ៉ាងកក់ក្តៅចំពោះសម្ដេចតេជោ ប្រធានព្រឹទ្ធសភាកម្ពុជា ដែលបានដឹកនាំ គណៈប្រតិភូជាន់ខ្ពស់កម្ពុជា […]

កំពង់ធំ÷ រថយន្តយីឌុបខ្នាតយក្សចំនួន ៣គ្រឿងដែលនាំចូលពីប្រទេសថៃ មកកម្ពុជាតាមច្រកកំពង់ស្រឡៅ ត្រូវបានសមត្ថកិច្ចនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកំពង់ធំ បើកប្រតិបត្តិការកាលពីយប់ថ្ងៃទី៣១ សីហា ឈានចូលថ្ងៃទី០១ កញ្ញា ២០២៥ ដោយឃាត់បានរថយន្តដឹកអង្កដំណើបចំនួន៣គ្រឿង ដែលគេអះអាងថា ជារបស់ថៃ នាំចូលមកតាមប្រទេសឡាវ ច្រកកំពង់ស្រឡៅ ខេត្តព្រះវិហារ។   រីឯច្រកអន្តរជាតិត្រពាំងគ្រាលខេត្តស្ទឹងត្រែងវិញទំនិញសាច់បង្កូក គោក្របី ក្នុងមួយថ្ងៃៗបានចរាចរណ៍ចូលមកកម្ពុជារាប់សិបឡាន។ បញ្ហានេះត្រូវបានប្រភពមន្ត្រីរាជការ កងកម្លាំង និងប្រជាពលរដ្ឋនៅតំបន់នោះបានឲ្យដឹងថា ទំនិញដែលចេញមកពីច្រកអន្តរជាតិត្រពាំងគ្រៀលខេត្តស្ទឹងត្រែង មួយចំនួនត្រូវបានចរាចរណ៍ទៅតាមខេត្តក្រចេះតាមផ្លូវជាតិលេខ៧។ និងមួយផ្នែកទៀតបានហូរចូលមកតាមខេត្តព្រះវិហារ បន្តទៅកាន់ខេត្តកំពង់ធំ។   ដោយឡែកនៅពេលថ្មីៗនេះ​ រថយន្តដឹកអង្កដំណើបចំនួន៣គ្រឿង មិនតិចជាង៣០តោន ដែលបានចរាចរណ៍នៅលើកំណាត់ផ្លូវជាតិលេខ៦ ស្ថិតក្នុងភូមិសាស្ត្រខេត្តកំពង់ធំ ត្រូវបានកម្លាំងនគរបាល នៃស្នងការដ្ឋានប្រឆាំងបទល្មើសសេដ្ឋកិច្ចខេត្តកំពង់ធំបង្ក្រាប។     ប្រភពបន្តថា ក្រោយពីនគរបាលប្រឆាំងបទល្មើសសេដ្ឋកិច្ចឃាត់ចាប់បាន ស្រាប់តែមានមន្ត្រីគយ០១រូប បានចេញមុខមកអន្តរាគមន៍ តែសមត្ថកិច្ចជំនាញមិនព្រមតាមការស្នើសុំ។    ពាក់ព័ន្ធក្នុងរឿងនេះ នៅព្រឹកថ្ងៃទី១ ខែកញ្ញា ឆ្នាំ២០២៥ ត្រូវប្រភពក្រៅផ្លូវការបង្ហើបឱ្យដឹងថា រថយន្តទាំង ៣គ្រឿងនេះ មានច្បាប់អនុញ្ញាតឲ្យដឹកតែ ៦០០គីឡូក្រាម ប៉ុន្តែជាក់ស្ដែង រថយន្តនេះ ដឹងអង្កររហូតដល់ទៅ […]

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ​កម្ពុជា បានជួបពិភាក្សាការ​ងារជាមួយឯកឧត្តម ស៊ី ជីនពីង ប្រធានាធិបតី នៃសាធារណរដ្ឋប្រជា​មានិតចិន ដើម្បីបន្តពង្រឹង​កិច្ចសហប្រតិបត្តិការលើគ្រប់វិស័យរវាង​ប្រទេសទាំងពីរកម្ពុជា-ចិន។ នៅក្នុងជំនួបពិភាក្សានេះបានធ្វើឡើងនៅល្ងាចថ្ងៃទី៣០ ខែសីហា ឆ្នាំ២០២៥ នៅសាធារនរដ្ឋប្រជាមានិតចិន។ ឯកឧត្តមប្រធានាធិបតីចិន បានផ្តល់សារៈសំខាន់ក្នុងការជំរុញកិច្ចសហប្រតិ​បត្តិការរវាងប្រទេសទាំងពីរឱ្យកាន់តែរឹងមាំ។ ខណៈនោះដែរចិននឹងបន្តផ្តល់ការសហការគាំទ្រចំពោះប្រជាជនកម្ពុជា ក្នុងការកសាង និងពង្រឹងសមត្ថភាពការអភិវឌ្ឍដោយម្ចាស់ការខ្លួនឯង រួមនិងការការពារអធិបតេយ្យភាពជាតិរបស់ខ្លួន។ ប្រទេសចិនគាំទ្រដល់បទឈប់បាញ់រវាងកងទ័ពកម្ពុជានិងថៃ ក៏ដូចជាគាំទ្រដល់យន្តការសង្កេតការណ៍បទឈប់បាញ់របស់អាស៊ានដែលដឹកនាំដោយម៉ាឡេស៊ី និងចង់ឱ្យបង្កើតក្រុមអ្នកសង្កេតការណ៍អាស៊ាន (AOT) ឱ្យបានឆាប់ជាទីបំផុតដែលអាចធ្វើទីបាន។/

ស្ទឹងត្រែង÷​ ក្រោយពីរបបដឹកនាំក្បាលម៉ាស៊ីន នៃប្រទេសថៃ បែបជា ” រដ្ឋាភិបាលព្រាយ.និងរដ្ឋាភិបាលអាបរបស់ប្រទេសថៃ ” បែបគ្មានលំនឹង ដោយប្រើវិធីសង្កត់ករខ្មែរតាមរយៈគំនិត.អគតិ ដោយការបិទច្រកព្រំដែនទូរទាំងប្រទេស ជាឯកតោភាគីមកលើខ្មែរ និងបានប្រើកម្លាំងយោធាបាញ់ប្រហារមកលើទ័ពខ្មែរ ដែលកំពុងឈរជើងការពារបូរណភាពទឹកដីនៅតាមបន្ទាត់ព្រំដែននោះ !..ពេលនេះការរកដង្ហើមដកឬចរន្តទំនិញរបស់សៀម ហាក់បានដឹកចូលមកប្រទេសឡាវ និងបន្តឆ្លងកាត់នាំចូលមកតាមច្រកត្រពាំងក្រៀលក្នុងខេត្តស្ទឹងត្រែង ប្រទេសកម្ពុជារយើងបានចាប់ផ្ដើមឲ្យមានការនាំចូលហើយ..!     នេះបើតាមសេចក្តីរាយការណ៍ពីប្រជាពលរដ្ឋ និងមន្ត្រីសមត្ថកិច្ចនៅច្រកព្រំដែនកម្ពុជា~ឡាវ បានបញ្ជាក់ ប្រាប់អ្នកយកព័ត៌មានយើង ក្នុងលក្ខខណ្ឌសុំមិនបញ្ចេញឈ្មោះថា នៅល្ងាចថ្ងៃទី២១ ខែសីហា ឆ្នាំ២០២៥នេះ ទំនិញផ្សេងៗ និង គោក្របី រាប់ពាន់ក្បាល កំពង់ចរាចរណ៍ចេញមកតាមច្រកត្រពាំងក្រៀលនេះ ចូលមកក្នុងប្រទេសកម្ពុជា។​ បន្ទាប់ពីច្រកព្រំដែនខ្មែរ~សៀមបានកើតមានជម្លោះប្រដាប់អាវុធនឹងគ្នាយ៉ាងអាក្រក់បំផុតដែលមិនធ្លាប់មាន..។     សូមបញ្ជាក់ថា ការបើកច្រកត្រពាំងក្រៀល នៃព្រំដែនកម្ពុជា~ឡាវ ឱ្យមានការដឹកទំនិញចូលមកប្រទេសកម្ពុជាតាមច្រកកម្ពុជា ឡាវក្នុងទឹកដីខេត្តស្ទឹងត្រែងយ៉ាងគគ្រឹកគគ្រេងនេះ អ្នកយកព័ត៌មានយើងនៅមិនទាន់អាចសុំការទំនាក់ទំនងបំភ្លឺ ពីលោកប្រធានច្រកព្រំដែនត្រពាំងក្រៀល និងលោកប្រធានគយរដ្ឋករ ព្រមទាំង លោកប្រធានគណៈបញ្ជាការឯកភាពរដ្ឋបាលខេត្តស្ទឹងត្រែង បាននៅឡើយ នាល្ងាចថ្ងៃទី២២ ខែសីហា ឆ្នាំ២០២៥នេះ..?! ” ព័ត៌មានបឋម “

កោះកុង÷បន្ទាប់ពីកម្ពុជា-ថៃបានកើតមានជម្លោះនឹងគ្នា ដោយភាគីថៃបានបាញ់ប្រហារមកលើកងទ័ពកម្ពុជា ឱ្យស្លាប់និងរងរបួសដោយសារការឈ្លានពានរបស់ទ័ពថៃ ការបិទច្រកព្រំដែនទាំងអស់ដោយសារកងទ័ពថៃ ការផ្ដាច់ភ្លើងនៅតាមបន្ទាត់ព្រំដែនការបិទអ៊ីនធឺណិត ក្រោមការដាក់សម្ពាធរបស់កងទ័ពនិងរាជរដ្ឋាភិបាលថៃ..ប្រជាពលរដ្ឋប្រជាពលរដ្ឋក៏បានធ្វើពលិកាមិនប្រើប្រាស់ទំនិញបូករួមនិងចំណីម្ហូបអាហារ របស់ប្រទេសថៃស្ទើរទូទាំងប្រទេសវិញនោះដែរ ។ ជាពិសេសការបិទមិនឲ្យទំនិញឬសម្ភារៈផ្សេងៗធ្វើចរាចរណ៍ចូលមកក្នុងទឹកដីកម្ពុជា ដែលនេះជាវិធានការរបស់រាជរដ្ឋាភិបាល និងកំពុងអាចឈានទៅដល់ការបញ្ឈប់ប្រើប្រាស់ទំនិញដែលនាំចូលមកពីប្រទេសថៃ “សៀម”តែម្តង ។ ហើយងាកមកគាំទ្រការប្រើប្រាស់ផលលិតផល ដែលផលិតដោយប្រជាជនកម្ពុជាវិញម្តង ។     ប៉ុន្តែបច្ចុប្បន្ននៅខេត្តកោះកុង អាជ្ញាធរដែនដីដែលមានលោកជំទាវ មិថុនា ភូថងអភិបាល នៃគណៈអភិបាលខេត្តកោះកុង តើលោកជំទាវបានជ្រាបអំពីព័ត៌មាននេះដែរឬទេ..?! ដែលក្រុមឈ្មួញបាននិងកំពុងចរាចរណ៍ដឹកសាច់បង្កក ជើងមាន់ ត្រីធូណា ត្រីកាម៉ុងនិងត្រីបង្គាផ្សេងៗជាច្រើនទៀត នាំចូលមកពីខ្លងស៊ុន ខ្លងយ៉ៃប្រទេសថៃ ដឹកតាមផ្លូវសមុទ្រច្រកពាមកោះយ៉រ និងពាមតាក់ខ្លងចូលមកកាន់ប៉ាក់ខ្លង ស្រុកមណ្ឌលសីមា និងដងទុង ក្រុងខេមរៈភូមិន្ទ ខេត្តកោះកុងទាំងយប់ទាំងថ្ងៃ ។    នេះបើតាមប្រភពលើកឡើងពីប្រជាពលរដ្ឋរស់នៅតំបន់នោះបានបញ្ជាក់ដូច្នេះថា ឈ្មួញបាននាំចូលយ៉ាងរលូន ដោយពុំមានការរំខានសោះឡើយពីលោកប្រធានមន្ទីរកសិកម្ម និងលោក នាយខណ្ឌរដ្ឋាបាលជលផល ខេត្តកោះកុង ។     បញ្ហាសាច់បង្កកជង្គង់មាន់ សាច់ជ្រូក សាច់មាន់ និងត្រីជាច្រើនប្រភេទដែលបានធ្វើចរាចរណ៍មកពីប្រទេសថៃចូលមកកាន់ខេត្តកោះកុង និងដឹកបន្តទៅចែកចាយតាមគោលដៅខេត្តផ្សេងៗនិងអាចដឹកបន្តមករាជធានីភ្នំពេញក៏អាចមានផងដែរ ។    ដូច្នេះសមត្ថកិច្ចនគរបាលប្រឆាំងបទល្មើសសេដ្ឋកិច្ចខេត្ត សមត្ថកិច្ចនគរបាលការពារព្រំដែនទឹកកោះយ៉រ រួមនិងមន្ត្រីជំនាញពាក់ព័ន្ធដែលប្រចាំការនៅទីនោះ […]

ទ័ពថៃនៅតែព្រហើន..! ស្របពេលដែលកម្ពុជាកំពុងតែទទូចស្នើសុំឲ្យប្រទេសម៉ាឡេស៊ី ដែលជាប្រធានអាស៊ាន នាពេលបច្ចុប្បន្ន និងបណ្ដាប្រទេសអ្នកសម្របសម្រួលស្តីពីបទឈប់បាញ់ និងសុំបង្កើតឲ្យបានឆាប់រហ័សនៅយន្តការត្រួតពិនិត្យដ៏រឹងមាំនិងឯករាជ្យមួយដើម្បីទប់ស្កាត់ការកើនឡើង នូវភាពតានតឹងនិងបទឈប់បាញ់ ដើម្បីឈានទៅដល់ការពារអាយុជីវិតដល់ពលរដ្ឋស៊ីវិល និងកងទ័ព។ ស្រាប់តែនៅពេលថ្មីៗនេះកងទ័ពឈ្លានពានថៃ នៅតែផ្គើនដោយបានប្ដូរពីបទឈប់បាញ់ បែរជាមកធ្វើការវៀតយកទឹកដីរបស់កម្ពុជា ដោយប្រើកម្លាំងកងទ័ពរាយបន្លាលួសរំលោភឈ្លានពានវិញចូលជ្រៅមកក្នុងទឹកដីខ្មែរវិញម្តង ។ សកម្មភាពរបស់កងទ័ពចោរថៃ ឈ្លានពាននេះ អាចអាចជាការផុយស្រួយបំផុតនៅក្នុងការបង្ហូរឈាម ..! នេះបើគ្មានការអត់ធ្មត់ប្រកបដោយសុជីវធម៌ គុណធម៌ ដែលមានវិជ្ជាជីវៈខ្ពង់ខ្ពស់របស់មេដឹកកងទ័ពកម្ពុជាទេនោះ..។/

ភ្នំពេញ÷បើយោងតាមអ្នកនាំពាក្យក្រសួងការបរទេសនិងសហប្រតិបត្តិការអន្តរជាតិកម្ពុជាលោកជុំស៊ុនរីបានប្លែកនៅក្នុងសន្និសីទសារព័ត៌មាននាថ្ងៃទី១២  ខែសីហា ឆ្នាំ២០២៥ថា លោកប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសកម្ពុជា បានដាក់លិខិតទៅអង្គការសហប្រជាជាតិ ដើម្បីបញ្ជាក់អំពីភាពផុយស្រួយ នៃបទឈប់បាញ់ដែលបង្កឡើងគ្រប់សកម្មភាពក្នុងការរំលោភបំពានដោយកងទ័ពថៃ មកលើកម្ពុជា ដែលស្របពេលដែលភាគថៃ តែងតែមានចេតនា បើកការវាយប្រហារជាថ្មីម្ដងទៀតមកលើកម្ពុជា ។    នៅក្នុងលិខិតដាច់ដោយឡែកចំនួនពីរចុះថ្ងៃទី១១ ខែសីហាឆ្នាំ២០២៥ ផ្ញើទៅប្រធានក្រុមប្រឹក្សាសន្តិសុខអង្គការសហប្រជាជាតិ និងអគ្គលេខាធិការអង្គការសហប្រជាជាតិដើម្បីរាយការណ៍ លើកិច្ចព្រមព្រៀងបទឈប់បាញ់វៀងភាគីកម្ពុជា និងថៃកំពុងរងការគំរាមកំហែងកាន់តែធ្ងន់ធ្ងរដោយសារកងទ័ពថៃបានបង្កើតការរំលោភចូលដែនអធិបតេយ្យភាពនិងបូរណភាពទឹកដីរបស់កម្ពុជា។    លោកជុំ សុន្ទរី បានបន្តែមថា នៅក្នុងលិខិតនោះបានលើកឡើងពីសកម្មភាពទាហានថៃបញ្ជូនគ្រឿងចក្រធន់ធ្ងន់ចូលឈូសឆាយធ្វើផ្លូវ និងជីកលេនដ្ឋានជាច្រើនកន្លែងក្នុងទឹកដីកម្ពុជា ។ រួមទាំងការដាក់រាយបន្លាលួសនិងរុះរើផ្ទះសម្បែងរបស់ប្រជាពលរដ្ឋខ្មែរ នៅចំណុចច្រកអានសេះស្ថិតនៅក្នុង ស្រុកជាំក្សាន្តខេត្តព្រះវិហារ ជាដើម ។    ដែលបញ្ហានេះជាការបំពានលើច្បាប់អន្តរជាតិ និងកិច្ចព្រមព្រៀងទ្វេភាគីដែលមានសុពលភាពតាមផ្លូវច្បាប់ក្នុងបទឈប់បាញ់គ្នាដែលចូលជាធរមានកាលពីថ្ងៃទី២៨ ខែកក្កដាឆ្នាំ២០២៥ ។ បច្ចុប្បន្នកងកម្លាំងយោធាថៃបានបន្តជ្រៀតចូលទឹកដីដោយខុសច្បាប់ជាញឹកញាប់ដោយបានដាក់រាយបន្លាស់លាស់និងសាងសង់ផ្លូវនៅកន្លែងជាច្រើន។    ជុំវិញរឿងនេះ លោកជុំ សុន្ទរី បានបញ្ជាក់ទៀតថា លោកឧបនាយករដ្ឋមន្ត្រីប្រាក់ សុខុន ក៏បានរាយការណ៍ទៅអង្គការសហប្រជាជាតិ ជុំវិញការព្រមានកាលពីថ្ងៃទី១០ ខែសីហាឆ្នាំ២០២៥ របស់មេទ័ពភូមិភាគ២ថៃ លោក ប៊្នន ស៊ីនផាត់ឃ្លាំង ដែលបាននិយាយថា […]

   រតនគិរី÷ នៅដើមខែសីហា ឆ្នាំ២០២៥  នេះ ក្រោយពីអាកាសធាតុបានធូរស្បើយភ្លៀងរាំងបានខ្លះៗនោះ សកម្មភាពការងារ ជួសជុលថែទាំស្ថាបនាផ្លូវ ដែលកន្លងមកបានរងការខូចខាតនៅរដូវវស្សាក្នុងរយៈពេលកន្លងពេលនេះ ក្រោមការគិតគូរចុះសិក្សាចង្អុលបង្ហាញពីស្ថាប័នក្រសួងសាធារណការ និងដឹកជញ្ជូន ដែលកន្លងមកក្រុមការងារក្រសួងសាធារណៈការ តែងតែបានចុះត្រួតពិនិត្យវាយតម្លៃដោយផ្ទាល់ ក្រោមការដាក់ទិសដៅស្នើសុំកញ្ចប់ថវិកាពីរាជរដ្ឋាភិបាល ដែលមានក្រសួងសេដ្ឋកិច្ចនិងហិរញ្ញវត្ថុជាស្ថាប័នគិតគូរទម្លាក់ថវិកាជាតិនោះ រដ្ឋបាលខេត្តរតនគិរី រួមនិងមានការយកចិត្តទុកដាក់គោរពអនុវត្តការផ្ទាល់ពីលោក សាយ សាមាន ប្រធានមន្ទីរសាធារណការនិងដឹកជញ្ជូនខេត្តរតនគិរីផងនោះ នៅដើមខែសីហា ឆ្នាំ២០២៥នេះ លោកប្រធានមន្ទីសាធារណ:ការខេត្ត បានបញ្ចេញសម្ភារៈ គ្រឿងចក្រទៅតាមគោលដៅសំខាន់ៗ បន្តអនុវត្តការងារថែទាំកំណាត់ផ្លូវ ដែលរងការខូចខាត នូវរដូវវស្សា ដោយបញ្ហាកត្តាទឹកភ្លៀងហូរកាត់ច្រោះ បែកផុកបង្កើតទៅជាជង្ហុកគ្រលុក ដោយសារសកម្មភាពការដឹកខ្សាច់ និងការដឹកកសិផលផ្សេងៗផ្ទុកលើសទម្ងន់ ដោយសារតែម្ចាស់អាជីវកម្ម មួយចំនួនហាក់មិនបានគោរព នូវសេចក្តីណែនាំប្រកាសព័ត៌មាន របស់មន្ទីរសាធារណការនិងដឹកជញ្ជូនខេត្តរតនគិរី ដែលបានផ្សព្វផ្សាយនាពេលកន្លងមក.។    ព្រោះថាកន្លងទៅ នៅរដូវស្សារ ខណៈដែលមានភ្លៀងធ្លាក់ជោគជាំខ្លាំង ដោយមិនលួសថ្ងៃនោះ មន្ទីរសាធារណៈការខេត្តរតនគិរី តែងតែបានចេញសេចក្តីជូនដំណឹងហាមឃាត់ដោយមិនអនុញ្ញាតឲ្យរថយន្តធុនធំៗផ្ទុកដឹកលើសធ្ងន់ មិនអនុញ្ញតឲ្យធ្វើសារាចរណ៍យ៉ាងណាក្តី..! ប៉ុន្តែម្ចាស់អាជីវកម្ម ឡានដឹកខ្សាច់ .ឡានដឹកកសិផលផ្សេងៗរបស់ឈ្មួញមួយចំនួននៅតែបន្តរំលោភបំពានលើសារាចរណ៍ណែនាំ។     បច្ចុប្បន្នបន្ទាប់ពីអាកាសធាតុអំណោយផលល្អ មេឃរាំងភ្លៀង មន្ទីរសាធារណៈការខេត្ត បានបន្តយ៉ាងសកម្មក្នុងការស្ថាបនាជួសជុល ថែទាំកំណាត់ផ្លូវមួយចំនួនដូចជា ផ្លូវលេខ៧៨.C […]

នៅរសៀលថ្ងៃទី០៦ ខែសីហា ឆ្នាំ២០២៥ ការអញ្ជើញដល់របស់បណ្ដាអង្គទូត និងអង្គការសុខភាពពិភពលោក (WHO) រួមទាំងអង្គការពាក់ព័ន្ធផ្សេងទៀត ក្នុងការចុះត្រួតពិនិត្យទីតាំងផ្ទាល់នៅជំរុំជនភៀសសឹក (បន្ទាយអំពិល) ស្ថិតក្នុងវត្តថ្មកំបោរ ភូមិពោធិ៍ចាស់ ស្រុកបន្ទាយអំពិល ខេត្តឧត្តរមានជ័យ។ សូមជម្រាបជូនថា បណ្ដាអង្គទូតដែលបានអញ្ជើញចុះត្រួតពិនិត្យទីតាំងផ្ទាល់នៅជំរុំជនភៀសសឹកនេះមានចំនួន ១១ប្រទេស និងទីភ្នាក់ងាររបស់អង្គការសហប្រជាជាតិសរុបប្រមាណ ១៥ស្ថាប័ន៕ ប្រភព៖ ទូរទស្សន៍ជាតិកម្ពុជា

មានការចោទសួរហេតុអ្វីបានជារាជរដ្ឋាភិបាលកម្ពុជាមិនបញ្ចេញព័ត៌មានភ្លាមពាក់ព័ន្ធនឹងកងកម្លាំងរបស់កម្ពុជាដែលត្រូវបានកងទ័ពថៃចាប់ខ្លួន ក្រោយពីមានបទឈប់បាញ់នោះ? តើរាជរដ្ឋាភិបាលមិនគិតគូរពីអាយុជីវិតរបស់ពួកគេឬទេ?     ខ្ញុំសូមបញ្ជាក់ថា ចាប់តាំងពីការប្រយុទ្ធគ្នាបានផ្ទុះឡើងនៅថ្ងៃទី ២៤ កក្កដា ២០២៥ ការយកចិត្តទុកដាក់ចំពោះអាយុជីវិតរបស់កងកម្លាំងរបស់យើង ក៏ដូចជារបស់ប្រជាពលរដ្ឋខ្មែរដែលរស់នៅក្នុងតំបន់ប្រយុទ្ធគ្នា គឺជាអាទិភាពធំបំផុតរបស់រាជរដ្ឋាភិបាល។ ហេតុដូច្នេះហើយបានជារាជរដ្ឋាភិបាលខិតខំធ្វើយ៉ាងណាដើម្បីឲ្យមានបទឈប់បាញ់ឱ្យបានឆាប់ជាទីបំផុត។    នៅក្នុងនោះ ការគ្រប់គ្រងព័ត៌មានកងទ័ពនៅលើសមរភូមិ គឺមានសារៈសំខាន់ណាស់សម្រាប់ការពារអាយុជីវិតនិងប្រៀបឈ្នះរបស់កងទ័ពរបស់យើង។    ចំពោះករណីចាប់ខ្លួនយុទ្ធជនយើង ដែលមកដល់ពេលនេះយើងនៅរង់ចាំភាគីថៃបញ្ជូនត្រឡប់មកកម្ពុជាវិញនោះ ជីវិតរបស់ពួកគាត់គឺជាអាទិភាពចម្បងបំផុតរបស់រាជរដ្ឋាភិបាលតាំងពីពេលវេលាដែលពួកគេត្រូវចាប់ខ្លួន។    នៅក្នុងដំណាក់កាលដំបូង ដែលមិនទាន់មានព័ត៌មានច្បាស់លាស់អំពីជោគវាសនារបស់ពួកគេនោះ ការគ្រប់គ្រងព័ត៌មានសំខាន់ណាស់ ព្រោះការបញ្ចេញព័ត៌មានមួយចំនួនអាចនឹងនាំគ្រោះថ្នាក់ដល់ជីវិតរបស់ពួកគាត់ ឬក៏អាចបង្កឲ្យមានភាពស្មុគស្មាញកាន់តែខ្លាំងនៅក្នុងការចរចាសម្រាប់ការដោះលែងពួកគាត់ត្រឡប់មកវិញ។    ហេតុដូច្នេះ រវាងជម្រើសក្នុងការផ្សពផ្សាយព័ត៌មានឲ្យសាធារណៈជនបានដឹង និងជម្រើសក្នុងការរក្សាព័ត៌មានដើម្បីធានាអាយុជីវិតរបស់ពួកគាត់នៅក្នុងដំណាក់កាលដំបូងដែលមានភាពមិនច្បាស់លាស់នោះ គឺរាជរដ្ឋាភិបាលគ្មានជម្រើសអ្វីក្រៅពីការគ្រប់គ្រងព័ត៌មានអោយបានល្អនិងបើកការចរចាទាមទារពួកគេមកវិញឲ្យបានឆាប់រហ័សនោះទេ។ មិនមែនរាជរដ្ឋាភិបាលលាក់ព័ត៌មានមិនចង់អោយប្រជាពលរដ្ឋដឹង ឬមិនគិតពីអា វវ. យុជីវិតរបស់កងកម្លាំងយើង ដូចមជ្ឈដ្ឋានមួយចំនួនបានចោទប្រកាន់នោះទេ។    ខ្ញុំសូមបញ្ជាក់ថា ថ្នាក់ដឹកនាំកងទ័ពរបស់យើងបានទាក់ទងទៅភាគីថៃដើម្បីស្នើសុំឲ្យមានការដោះលែងកម្លាំងរបស់យើងភ្លាមៗតាំងពីពេលកើតហេតុ។    រដ្ឋមន្ត្រីក្រសួងការពារជាតិ មេបញ្ជាការយោធភូមិភាគទី៤របស់កម្ពុជាបានទាក់ទងជាប្រចាំ ជាមួយសមភាគីថៃ ដើម្បីស្នើឲ្យមានការដោះលែងយោធិនយើងត្រឡប់មកវិញឲ្យបានឆាប់ជាទីបំផុត។ បន្ថែមលើនោះ អគ្គមេបញ្ជាការកងទ័ពកម្ពុជា ក៏បានស្នើសុំការជួយអន្តរាគមន៍ពីអគ្គមេបញ្ជាការកងទ័ពម៉ាឡេស៊ី ក្នុងនាមគាត់ជាអ្នកសម្របសម្រួលនិងតាមដាននៃបទឈប់បាញ់ ដើម្បីស្នើទៅអគ្គបញ្ជាការកងទ័ពថៃ អោយជួយជំរុញការដោះលែងឲ្យបានឆាប់ផងដែរ។    ខ្ញុំសង្ឃឹមថាកងទ័ពថៃនិងធ្វើការបញ្ជូនយោធិនរបស់យើងទាំងអស់ ដែលកំពុងស្ថិតនៅក្នុងការគ្រប់គ្រងរបស់កងទ័ពថៃ ឲ្យពួកគេបានវិលត្រឡប់មកប្រទេសកម្ពុជាឆាប់រហ័សជាទីបំផុត។/